———၊ လရိပ်မေ ၊———
(၁) ဆောင့်ကြောင့်ထိုင်ခြင်း
တစ်ကိုယ်လုံးရှိ ကြွက်သားအားလုံးကို ထိရောက်စေမယ့် လေ့ကျင့်ခန်းက ဆောင့်ကြောင့်ထိုင်တာပဲ ဖြစ်ပါတယ်။ လက်မောင်း၊ ပခုံးနဲ့ ခြေသလုံးကို သန်စွမ်းစေပါတယ်။
ကျောပြင်အပေါ်ပိုင်းမှာ ဝိတ်တန်းကိုတင်ပြီး ပခုံးအကျယ်ထက် နည်းနည်းပိုဟပြီး ကိုင်ထားပါ။
တင်ပါးကို နောက်ပစ်ပြီး ကိုယ်ကိုရှေ့သို့ နည်းနည်းကွေးကာ တစ်ကိုယ်လုံးကို နှိမ့်ချလိုက်ပါ။
သင့်အလေးချိန် အများစုက ဖနောင့်ပေါ်ကျနေရမှာဖြစ်ပြီး ခြေချောင်းတွေပေါ် မကျသင့်ပါဘူး။
ဝိတ်တန်းက လည်ပင်းပေါ် မတင်ထားသင့်သလို ကျောပြင်ကလည်း ဖြောင့်တန်းနေရပါမယ်။
(၂) ပခုံးဖိနှိပ်ခြင်း
ဒီလေ့ကျင့်ခန်းက ပခုံးတွေကို ကျယ်စေပြီး ပခုံး၊ ကျောပြင်တွေကို သန်စွမ်းထိရောက်စေပါတယ်။
အလေးတုံးကို လက်တစ်ဖက်စီမှာ ကိုင်ထားပါ။
ကျောပြင်ကို ဖြောင့်တန်းအောင်ထားပြီး အလေးတုံးတွေကိုကိုင်ကာ လက်တံတောင်ကို ၉၀ ဒီဂရီထားကာ မပါ။
အလေးတုံးတွေကို အဲဒီအနေအထားအတိုင်း အောက်အထိချပေးပါ။
ပြီးရင် မူလအနေအထားကို ပြန်နေပါ။
(၃) ဝိတ်တန်းမခြင်း
ပေါင်၊ နောက်ကျောအောက်ပိုင်း၊ ခြေသလုံးတကောက်ကြော စတဲ့ ကြွက်သားအုပ်စုမျိုးစုံကို ထိရောက်စေတဲ့ လေ့ကျင့်ခန်းပါ။
ခြေထောက်တွေကို ပခုံးအကျယ်ထက် နည်းနည်းပိုချဲပြီး ရပ်ပေးပါ။
ကိုယ်ကိုနှိမ့်ပြီး ဒူးကိုနည်းနည်းကွေးထိုင်ကာ တင်ပါးကို နောက်ဘက်ပစ်ပေးပါ။
ဝိတ်တန်းမပြီး မတ်တပ်ရပ်ပေးပါ။
ကျောပြင်ကို ဖြောင့်တန်းအောင်ထားပြီး အောက်ကို ငုံ့မကြည့်ပါနဲ့။
(၄) ပခုံးလေ့ကျင့်ခန်း
ဒီလေ့ကျင့်ခန်းက နောက်ကျောအပေါ်ပိုင်း၊ ပခုံးနဲ့ လက်မောင်းရှိ ကြွက်သားတွေကို သန်စွမ်းတင်းရင်းစေပါတယ်။
ပခုံးအကျယ်ထက် နည်းနည်းပိုချဲပြီး ရပ်ပါ။
ဝိတ်တန်းကိုကိုင်ပြီး အောက်ကိုနှိမ့်ချပါ။
မတ်မတ်ရပ်ပြီး ဒူးတွေကိုပျော့ပျောင်းအောင် ထားပါ။
ဒူးကွေးပြီး တင်ပါးကို နှိမ့်ချပါ။
ဝိတ်တန်းကို ရင်ဘတ်ဆီဆွဲပေးပါ။
ပခုံးကို အမြဲတမ်း ဖြောင့်တန်းအောင်ထားပြီး ဒူးတွေကို ကွေးပါ။
(၅) ဘားတန်းခိုလေ့ကျင့်ခန်း
ကျောပြင်နဲ့ လက်မောင်းတွေကို သန်စွမ်းစေတဲ့ လေ့ကျင့်ခန်းပါ။
ဘားတန်းမှာ လက်နှစ်ဖက်ကိုကိုင်ပြီး တွဲခိုထားပါ။
ခန္ဓာကိုယ်ကို ဆွဲမြှင့်ပြီး မေးစေ့ကို ဘားတန်းအထိရောက်အောင် မြှင့်ပါ။
ခန္ဓာကိုယ်ကို မူလအနေအထားကို ပြန်နှိမ့်ချလိုက်ပါ။
(၆) မေးစေ့မြှင့်လေ့ကျင့်ခန်း
ဒီလေ့ကျင့်ခန်းက စောစောက လေ့ကျင့်ခန်းနဲ့ နည်းနည်းလေးတော့ ကွဲပါတယ်။
ပခုံးအကျယ်အတိုင်း ဘားတန်းကို လက်နှစ်ဖက်နဲ့ ဆုပ်ကိုင်ထားပါ။ လက်ဖဝါးတွေက မျက်နှာဘက်ကိုထားပြီး ဆုပ်ကိုင်ပေးရမှာပါ။
ခန္ဓာကိုယ်ကို အပေါ်မြှင့်ပေးပါ။
ကိုယ်ကို မူလအနေအထားကို ပြန်နှိမ့်ချလိုက်ပါ။
(၇) အိပ်ရင်း ဝိတ်တန်းမြှင့်လေ့ကျင့်ခန်း
ဒီလေ့ကျင့်ခန်းက ရင်ဘတ်နဲ့ ပခုံးကြွက်သားတွေကို ထိရောက်စေပါတယ်။
လှဲလျောင်းရင်း ဝိတ်တန်းကို ကိုင်ထားပါ။
ဝိတ်တန်းကို နှိမ့်ရင်း ရင်ဘတ်နားထိလုနီးပါး ထားပေးပါ။
ဝိတ်တန်းကို ပြန်မြှင့်ပါ။
(၈) ပခုံးလေ့ကျင့်ခန်း
တစ်ကိုယ်လုံးကို ထိရောက်စေတဲ့ လေ့ကျင့်ခန်းပါ။
ခြေထောက်တွေကို ပခုံးအကျယ်ထက် နည်းနည်းပိုချဲပြီး မတ်တပ်ရပ်ပေးပါ။
ဝိတ်တန်းကို ပုံမှာပြထားတဲ့အတိုင်း ကိုင်ပြီး ပခုံးပေါ်တင်ပါ။
ဝိတ်တန်းကို မြှင့်လိုက်၊ ပြန်ချလိုက် လုပ်ပေးပါ။ ဒူးတွေက ပျော့ပျောင်းနေရပါမယ်။
မူလအနေအထားကို ပြန်နေသင့်ပါတယ်။
အကြံပြုချက်
ဒီအချိန်မှာ ကြွက်သားတွေ သန်စွမ်းစေဖို့ ပရိုတင်းပါဝင်မှုများတဲ့ အစားအသောက်တွေကို စားပေးသင့်ပါတယ်။ ကိုယ်မတဲ့ ဘားတန်းနဲ့ ဝိတ်ပြားတွေက ကိုယ်နိုင်သလောက် အရွယ်ပမာဏတွေပဲ ဖြစ်ဖို့လိုအပ်ပါတယ်။
(Ref;fitday)