Healthy Life Ad
Health Tips

မကြာခဏ ခရီးရှည်ထွက်လေ့ရှိသည့် အမျိုးသားတို့ ဆီးလမ်းကြောင်းကျန်းမာရေး ကောင်းမွန်စေရန်

——၊ ကိုထက် ၊——
alignnone size-medium wp-image-55060

လူတွေ ခရီးသွားတော့မယ်ဆိုရင် လမ်းခရီးမှာ ဆီးသွားချင်စိတ် ဖြစ်ပေါ်မှာစိုးတဲ့အတွက် ရေကို တတ်နိုင်သမျှ လျှော့သောက်လေ့ ရှိကြပါတယ်။ တစ်ခါတစ်ရံ ခရီးသွားတာက ပြဿနာမရှိပေမယ့် အလုပ်ကိစ္စကြောင့် မကြာခဏ ခရီးရှည်သွားနေရတဲ့ အမျိုးသားတွေမှာ ဆီးလမ်းကြောင်းကျန်းမာရေး ကောင်းမွန်နေစေဖို့ လိုက်နာသင့်တဲ့ အချက်တွေ ရှိပါတယ်။

ဆီးသွားချင်စိတ်ကို အောင့်ထားခြင်း

ခရီးရှည်သွားတဲ့အခါ အမျိုးသားတွေဟာ ဆီးအိမ်ထဲ ဆီးပမာဏ ၁၅၀ စီစီ – ၂၀ဝ စီစီလောက်အထိ အောင့်ထားတာက ပြဿနာမဖြစ်နိုင်ပေမယ့် ဒီထက်ကြာကြာအောင့်ရင် ဆီးမထိန်းနိုင်ဘဲ ဆီးထွက်ကျတတ်ပါတယ်။ ဆီးလမ်းကြောင်း ပိုးဝင်တတ်သူတွေနဲ့ တစ်ကိုယ်ရေသန့်ရှင်းရေး အားနည်းတဲ့ သူတွေဆိုရင် ဆီးသွားချင်စိတ်ကို အောင့်ထားရင် ဆီးပိုးဝင်နိုင်ခြေ များပါတယ်။ ဆီးကျောက်တည်တာလည်း ဖြစ်နိုင်ခြေများပါတယ်။

alignnone size-medium wp-image-55061
ရေသောက်နည်းလွန်းခြင်းနှင့် ကျန်းမာရေးအန္တရာယ်

ခန္ဓာကိုယ်ထဲက စွန့်ပစ်ပစ္စည်းတွေကို ပုံမှန်စွန့်ထုတ်နိုင်ဖို့ ဆီးအလုံအလောက် သွားရပါမယ်။ ဆီးအလုံအလောက် သွားနိုင်ဖို့ရာအတွက် ရာသီဥတု၊ လှုပ်ရှားမှုနဲ့ ချွေးထွက်တဲ့ ပမာဏပေါ်မူတည်ပြီး ရေတစ်လီတာ-နှစ်လီတာခန့် လိုအပ်ပါတယ်။ ခရီးရှည်သွားချိန်မှာ ရေသောက်နည်းလွန်းရင် ခန္ဓာကိုယ်ထဲက စွန့် ပစ်ပစ္စည်းတွေ မထွက်ဘဲ နုံးချည့်ညောင်းညာတာ၊ ခေါင်းမူးခေါင်းကိုက်တာ၊ နေထိုင်မကောင်းတာ၊ ဆီးကျဉ်ဆီးပူတာတို့ ဖြစ်တတ်ပါတယ်။ ဒါ့အပြင် ဝမ်းလည်းချုပ်တတ်ပါတယ်။

မကြာခဏ ခရီးရှည်သွားရသူများ ဆီးလမ်းကြောင်း ဝေဒနာ ကင်းပြီး ကျန်းမာလန်းဆန်းနေစေရန်

• မကြာခဏ ခရီးရှည်သွားရလေ့ရှိတဲ့ အမျိုးသားတွေဟာ အမြဲကျန်းမာနေစေဖို့ ဟင်းသီးဟင်းရွက်၊ အသီးအနှံ၊ အဆီနည်းတဲ့အသား၊ ငါး စတာတွေကို များများစားသုံးပြီး အဆီ၊ အချို၊ အငန်နဲ့ အဆီများတဲ့ အသားတွေကို တတ်နိုင်သမျှ လျှော့စားသင့်ပါတယ်။

• တစ်နေ့ ရေနှစ်လီတာနဲ့အထက် သောက်သုံးပေးသင့်ပါတယ်။

• ခရီးသွားလာရင်း ရပ်နားတဲ့အချိန်တွေမှာ အခွင့်သင့်တိုင်း မိနစ် ၃၀ ခန့် လမ်းလျှောက်တာ၊ အကြောဆွဲဆန့်လုပ်တာနဲ့ အကြောလျှော့တာတို့ကို လုပ်ဆောင်သင့်ပါတယ်။

• ခရီးရှည်သွားရင်း ဆီးသွားချင်စိတ် ဖြစ်ပေါ်လာရင် ဆီးကို အလွန်အမင်းအောင့်မထားဘဲ ဆီးသွားပေးဖို့ လိုပါတယ်။

• တစ်ကိုယ်ရေသန့်ရှင်းရေးနဲ့ လိင်အင်္ဂါ သန့်ရှင်းရေးတွေကို မှန်မှန်ပြုလုပ်ပေးရပါမယ်။

• ဆီးလမ်းကြောင်းဆိုင်ရာ ဝေဒနာတစ်စုံတစ်ရာ ဖြစ်ပေါ်ခဲ့ရင် အချိန်မဆိုင်းဘဲ နီးစပ်ရာဆရာဝန်နဲ့ တွေ့ဆုံဆွေးနွေးသင့်ပါတယ်။
alignnone size-medium wp-image-55062
(Ref;nih)

Most Popular

Healthy Life Ad
To Top