ငွေကြယ်စင်ယံ
အသက်ကြီးလာချိန်မှာ ပြင်းထန်တဲ့လေ့ကျင့်ခန်းကို မလုပ်နိုင်ပါဘူး။ အိမ်မှာပဲ လွယ်ကူတဲ့ လေ့ကျင့်ခန်းကို တစ်ပတ်မှာ နှစ်ကြိမ်လေ့ကျင့်ခန်းလုပ်ပေးရင် ခန္ဓာကိုယ်သန်စွမ်းခြင်း၊ ဟန်ချက်ညီမျှခြင်းနဲ့ ပျော့ပျောင်းသန်စွမ်းမှုတို့ကို ရရှိစေပါတယ်။
သွေးပူလေ့ကျင့်ခန်း
မတ်တပ်ရပ်ပြီး ပြေးတဲ့ပုံစံမျိုး ခြေထောက်ကို ကြွလိုက်၊ ပြန်ချလိုက် လုပ်ပေးပါ။ ဒါမှမဟုတ် ထိုင်ခုံပေါ်မှာထိုင်ပြီး ခြေထောက်တစ်ဖက်စီ မြှင့်လိုက်၊ ပြန်ချလိုက် လုပ်ပေးပါ။
သန်စွမ်းစေမည့် လေ့ကျင့်ခန်းများ
(၂) ထိုင်-ထလေကျင့်ခန်း
ထိုင်ခုံမှာထိုင်ပြီး လက်ဆန့်တန်းထုတ်ကာ မတ်တပ်ရပ်ပါ။ ပြီးရင် ပြန်ထိုင်ပေးပါ။
(၃) မတ်တပ်ရပ်ပြီး တင်ပါးဆန့်ထုတ်လေ့ကျင့်ခန်း
ထိုင်ခုံနောက်မှီကို လက်နှစ်ဖက်နဲ့ကိုင်ပြီး မတ်မတ်ရပ်ပါ။ ပြီးရင် ခြေထောက်တစ်ချောင်းကို နောက်ဆန့်ထုတ်လိုက်၊ နေရာမှာပြန်ထားလိုက်၊ နောက်တစ်ဖက်ကို နောက်ဘက်ဆန့်ထုတ်လိုက် လုပ်ပေးရပါမယ်။
ခန္ဓာကိုယ်ဟန်ချက်ညီစေမည့် လေ့ကျင့်ခန်းများ
(၄) ခြေထောက်ဘေးတိုက်မြှင့်သည့် လေ့ကျင့်ခန်း
ထိုင်ခုံနောက်မှီပေါ် လက်တစ်ဖက်တင်ပြီး ညာခြေထောက်ကို ဘေးဘက်ဆန့်ထုတ်ကာ အပေါ်မြှင့်ပေးပါ။ ပြီးရင် နောက်တစ်ဖက်ပြောင်းလုပ်ပါ။
(၅) ခြေထောက်တစ်ဖက်တည်းပေါ် မတ်တပ်ရပ်သည့် လေ့ကျင့်ခန်း
ထိုင်ခုံနောက်မှီပေါ် လက်တစ်ဖက်တင်ပြီး ခြေထောက်တစ်ဖက်တည်းနဲ့ မတ်တပ်ရပ်ပေးပါ။ ခဏအကြာမှာ နောက်တစ်ဖက်နဲ့ ပြောင်းရပ်ပေးပါ။
ဆွဲဆန့်လေ့ကျင့်ခန်းများ
(၆) လက်မောင်းဆွဲဆန့်ခြင်း
ထိုင်ခုံပေါ်ထိုင်ပြီး လက်မောင်းနှစ်ဖက်ကို ဦးခေါင်းနောက်သို့ ဆန့်ထုတ်ကာ ထိတွေ့ပေးပါ။
အကြောလျှော့လေ့ကျင့်ခန်း
(၇) မတ်တပ်ရပ်ပြီး ခြေတံကောက်ကြော ဖြေလျှော့ခြင်း
ထိုင်ခုံပေါ် လက်နှစ်ဖက်တင်ကာ မတ်တပ်ရပ်ပါ။ ပြီးရင် ခြေထောက်တစ်ဖက်ကို နောက်ပစ်ပြီး လက်နဲ့ဖမ်းဆုပ်ပါ။ ပြန်ချပြီး နောက်တစ်ဖက်ကို ပြောင်းလုပ်ပေးပါ။
