၊ ငွေစင်ကြယ်ယံ ၊
ကလေးမွေးလာပြီဆိုတာနဲ့ အရွယ်အလိုက် ပုံမှန်ဖွံ့ဖြိုးမှု ရှိရဲ့လားဆိုတာ မိဘတွေစိတ်ပူကြတဲ့ အချက်ပါ။
အသက် သုံးလအရွယ်မှာ
– မိခင်မျက်နှာ ဒါမှမဟုတ် ပတ်ဝန်းကျင်ကို လိုက်မကြည့်တာ၊
– အသံပေးပေမယ့် အမူအရာ ပြောင်းလဲမှုမရှိတာ၊ ခြောက်လှန့်သံပေးလည်း မလန့်တာ၊
– ချော့မြှုတဲ့အခါ ပြုံးမပြတာ၊
အသက် ခြောက်လအရွယ်မှာ
– အရုပ်တစ်ခုခုကို လက်က မကိုင်နိုင်တာ၊
– အမြဲလိုလို လက်သီးဆုပ်ထားတာ၊
– ဦးခေါင်းမခိုင်တာ၊
အသက် ကိုးလအရွယ်မှာ
– နောက်က အမှီရှိရင်တောင် မထိုင်နိုင်တာ၊
– မရယ်တတ်တာ၊
အသက် တစ်နှစ်အရွယ်မှာ
– ကလေးသဘာဝ ဝူးဝူးဝါးဝါး မလုပ်နိုင်တာ၊
– တာ့တာ၊ ချိုမိုင်မိုင် မလုပ်နိုင်တာ၊
– ခေါင်းငြိမ့်/ခေါင်းခါ မလုပ်တတ်တာ၊
– လက်ညှိုးမထိုးတတ်တာ၊
အသက် တစ်နှစ်ခွဲအရွယ်မှာ
– မတ်တပ်စမ်းမလျှောက်တာ၊
အသက် နှစ်နှစ်အရွယ်မှာ
– ဖေဖေ၊ မေမေ မခေါ်တတ်တာ
– လမ်းကောင်းကောင်း မလျှောက်နိုင်တာ၊
အသက် သုံးနှစ်အရွယ်မှာ
– ခဏခဏ လဲကျနေတာ၊
– မပြေးနိုင်တာ၊
– “မုန့်စားချင်တယ်”၊ “ရေသောက်ချင်တယ်” စတဲ့ ဝါကျအတိုလေးတွေ မပြောနိုင်တာ၊
– မျက်လုံးချင်း ဆုံမကြည့်တာ၊
အသက် လေးနှစ်အရွယ်မှာ
– တစ်ဦးတည်း သီးသန့်နေတတ်တာ၊
– စကားမပြောတာ၊ ပြောရင်လည်း အဆင်မပြေတာ။
ဒီလို ဖွံ့ဖြိုးမှု ပုံမမှန်တာလေးတွေရှိရင် ကလေး အထူးကုဆရာဝန်နဲ့ အမြန်ဆုံးပြသင့်နေပါပြီ။
(Healthy Life ဂျာနယ်မှ စီစဉ်တင်ဆက်သည့် အပတ်စဉ် သောကြာနေ့ထုတ် Healthy Life ဂျာနယ်၊ https://www.facebook.com/healthylifejournalmyanmar/ နှင့် www.healthylifejournalmyanmar.com တို့တွင် ဖော်ပြပါရှိသမျှ ကျန်းမာရေးနှင့် အလှအပဆိုင်ရာ သတင်းများ၊ သတင်းဆောင်းပါးများ၊ အမေးအဖြေများ၊ ဘာသာပြန်ဆောင်းပါးများကို လွတ်လပ်စွာ မျှဝေနိုင်ပါသည်။ သို့ရာတွင် မည်သည့် Facebook စာမျက်နှာ၊ Website များတွင်မဆိုပြန်လည်ကူးယူဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။)
