သင် ချစ်တဲ့သူကို ထိတွေ့တဲ့အခါ အန်ဒေါ်ဖင်ဓာတ် အထွက်တိုးလာစေပါ တယ်။ အန်ဒေါ်ဖင်ဓာတ်က ခန္ဓာကိုယ်ရဲ့ သဘာဝအကိုက်အခဲပျောက်စေတဲ့အရာ ဖြစ်ပါတယ်။ ခန္ဓာကိုယ်အရေပြားမှာ ထိတွေ့မှုကို လက်ခံတဲ့ စင်တာပေါင်းငါးသန်းနီးပါးရှိပြီး လက်ချောင်းထိပ်တွေနဲ့ ဖွဖွထိတွေ့လိုက်တိုင်း အရေပြားရဲ့ ထိတွေ့မှု လက်ခံရာစင်တာ သုံးထောင်ကို လှုံ့ဆော်ရာ ရောက်ပါတယ်။
ထိတွေ့မှုကြောင့် အောက်ဆီတိုစင် အဆင့်ကို ချက်ချင်း မြင့်တက်လာစေပြီး အထီးကျန်တဲ့ ခံစားချက်၊ ပျင်းရိငြီးငွေ့တဲ့ ခံစားချက်နဲ့ ဒေါသစိတ်တွေကို သက်သာ လျော့ပါးသွားစေပါတယ်။
သင် ချစ်တဲ့သူကို ထိတွေ့ပွေ့ဖက်တာကြောင့် သင်တို့နှစ်ဦးစလုံးမှာ ဆီရိုတိုနင် အဆင့်မြင့်တက်လာပြီး စိတ်ခံစားမှုကောင်းကာ ပျော်ရွှင်ကြည်နူးစေပါတယ်။
သင်ချစ်တဲ့ သူကို ထိတွေ့တာကြောင့် ကိုယ်ခံအားစနစ်ကို မြင့်တက်စေပါတယ်။
ချစ်တဲ့သူနဲ့ ထိတွေ့နေရတာက ကိုယ့်ကိုယ်ကိုယ် လေးစားစိတ် တိုးစေတဲ့ စွမ်း အားရစေပါတယ်။
ချစ်တဲ့သူနဲ့ ထိတွေ့နေရတာကြောင့် ကြွက်သားတွေ တောင့်တင်းတာကို ပြေလျော့သွားစေပြီး နာကျင်ကိုက်ခဲမှု သက်သာကာ တစ်သျှူးပျော့တွေဆီ သွေးလှည့်ပတ်စီးဆင်းမှု တိုးစေတဲ့အတွက် တောင့်တင်းနာကျင်မှုဝေဒနာ လျော့ပါးသွားစေနိုင်ပါတယ်။
အာရုံကြောစနစ် တင်းမာမှုကို ပြေလျော့သက်သာသွားစေပါတယ်။
သင် ချစ်တဲ့သူကို တွေ့ထိလိုက်တာက ရယ်မောလိုက်တာလိုမျိုး စိတ်ဖိစီးမှုကို လျော့ကျသွားစေပါတယ်။
စူး (ဆေးဝါးတက္ကသိုလ်)
