ပါမောက္ခဒေါက်တာမြတ်စန္ဒာကျော် (အရေပြားအထူးကု ဆရာဝန်ကြီးနှင့် တွေ့ဆုံဆွေးနွေးခြင်း)
Q. ဆေးမင်ကြောင်မထိုးခင် ဘာတွေကို ထည့်သွင်းစဉ်းစားပြီး သတိထားဖို့ လိုအပ်ပါသလဲ ဆရာမ။
A. ဆေးမင်ကြောင် ဒါမှမဟုတ် တက်တူထိုးတော့မယ်ဆိုရင် အရင်ဆုံး တွေးသင့်တာက ဆေးမင်ကြောင်က တစ်ခါထိုးပြီးတာနဲ့ (မဖျက်မချင်း) ရာသက်ပန် အမြဲ အသက်သေဆုံးတဲ့တိုင် ခန္ဓာကိုယ်ပေါ်မှာ ရှိနေတော့မှာဆိုတာ အမြဲတွေးထားရပါမယ်။
တက်တူထိုးရာမှာ သတိထားရမှာတွေက-
• သန့်ရှင်းရေးပဲ ဖြစ်ပါတယ်။ အပ်၊ မင်အိုး၊ ထိုးတဲ့သူရဲ့လက်အိတ်၊ သုံးတဲပစ္စည်း စတာတွေ သန့်ရှင်းဖို့ အရေးကြီးပါတယ်။ ဆေးမင်ကြောင်ထိုးပြီးတဲ့ နေရာကို အနာမကျက်ခင် ဖုံးအုပ်ထားရပါမယ်။ လိုအပ်ရင် ပိုးသေဆေးစားဆေး၊ လိမ်းဆေးသုံးရပါမယ်။ အနာမကျက်ခင် အနာဖေးကို ဆွဲမခွာရပါဘူး။
• မှဲ့ရှိတဲ့နေရာ၊ မွေးရာပါအမှတ်ရှိတဲ့ နေရာတွေမှာ တက်တူထိုးရင် အရေပြားကို စစ်ဆေးရခက်လို့ မထိုးသင့်ပါဘူး။ အရိုးပေါ်အရေတင်ဖြစ်နေတဲ့ နေရာတွေမှာလည်း အနာကျက်ခဲလို့ တက်တူမထိုးသင့်ပါဘူး။ မျက်လုံးတစ်ဝိုက် အရေပြားက ပါးလွန်းတော့ တက်တူထိုးရင် ဂရုစိုက်ရပါမယ်။
• တက်တူထိုးပြီး ပြန်ဖျက်ချင်တယ်ဆိုရင် တကယ်တော့ ဘယ်တက်တူပဲဖြစ်ဖြစ် အနာရွတ်မကျန်အောင် ဖျက်ဖို့ ခက်ပါတယ်။ ဆေးလိပ်သောက်သူတွေရဲ့ ဆေးမင်ကြောင်က ပိုဖယ်ရခက်တတ်ပါတယ်။
“တက်တူထိုးပြီးရင် ဆပ်ပြာကြမ်းကြမ်း ပွတ်တိုက်တာမျိုး မလုပ်ရပါဘူး၊ ရေပန်းပြင်းပြင်းနဲ့ ရေချိုးတာတောင် မဖြစ်စေရဘူး။ အ၀တ်အစားကျပ်ကျပ် မ၀တ်ရဘူး။ ကုတ်တာ၊ ဖဲ့တာမလုပ်ရပါဘူး။ တက်တူထိုးထားတဲ့ နေရာကို လက်နဲ့မကိုင်ရဘူး၊ မပွတ်ရဘူး” . . .
• ဆေးမင်ကြောင်ဟောင်းတွေက ဖျက်ဖို့ ပိုခက်ပါတယ်။ ခြေထောက်က တက်တူဆိုရင်လည်း ဖျက်ဖို့ ပိုခက်ပါတယ်။
• နှုတ်ခမ်း၊ မျက်ခွံ၊ မျက်ခုံးတွေမှာ စုတ်ထိုးခြယ်သ အလှပြင်ထားရင် ဆေးမင်မှာ Metallic Base ပါတတ်ပါတယ်။ လေဆာနဲ့ ဖယ်မရပါဘူး။
• အသားရောင်ရင့်သူတွေက တက်တူဖယ်ရ ပိုခက်ပါတယ်။
• တက်တူကို တစ်ခါထိုးပြီးတဲ့အခါ ပုံစံပြောင်းချင်ရင် ပြောင်းလို့မရတော့ပါဘူး။
• တက်တူက တစ်ခါတလေ ထိုးတာကြာလာရင် မှိန်သွားတတ်ပါတယ်။ ထိုးထားတဲ့ပုံစံ မှိန်သွားပြီး မပီသဘဲ ဖြစ်သွားတတ်ပါတယ်။
Q. ဆေးမင်ကြောင်ထိုးချိန်မှာကော ဘာတွေကို လိုက်နာသင့်ပါသလဲ ဆရာမ။
A. ဒီတော့ ဘာပဲဖြစ်ဖြစ် တက်တူကို ကြိုက်နှစ်သက်လို့ ကိုယ်ပေါ်မှာ ထိုးတော့မယ်ဆိုရင် –
• ဆုံးဖြတ်ချက် သေချာမှ ထိုးသင့်ပါတယ်။
• အရက်၊ မူးယစ်ထုံထိုင်းကာ စိတ်ကိုပြောင်းလဲစေတတ်တဲ့ ဆေးတွေသောက်သုံးထားချိန်မှာ တက်တူထိုးမယ်ဆိုတဲ့ ဆုံးဖြတ်ချက်ကို မချသင့်ပါဘူး။
• လုံခြုံစိတ်ချရတဲ့ တက်တူထိုးတဲ့ အလေ့အထတွေ ရှိရပါမယ်။
• သီးသန့်နဲ့ပိုးကင်းစင်တဲ့ အလေ့အထတွေ ရှိရပါမယ်။
• စုတ်ထိုးမယ့်သူက အပ်အသစ်နဲ့ မင်အိုးအသစ်ကို တက်တူမထိုးမီ အချိန်လေးကျမှ တပ်ဆင်လိုက်တာကို မိမိရဲ့မျက်စိနဲ့ တပ်အပ်မြင်ဖို့ လိုပါတယ်။ လက်အိတ်အသစ်တစ်စုံသုံးတာ၊ မင်မထည့်မီ အပ်အသစ်တပ်လိုက်တာတို့ကို စစ်ဆေးရပါမယ်။
• တက်တူဆိုင်အပြင်အဆင်နဲ့ တက်တူသမားရဲ့ အသွင်အပြင်မှာ ဆေးခန်းတစ်ခုကို ရောက်နေသလို သန့်ရှင်းသပ်ရပ်မှ စိတ်ကျေနပ်သင့်ပါတယ်။
Q. ဆေးမင်ကြောင်ထိုးပြီးချိန်မှာ ဘာတွေကို လိုက်နာသင့်ပါသလဲ ဆရာမ။
A. တက်တူထိုးပြီးတဲ့အခါမှာ လိုက်နာသင့်တဲ့ အချက်တွေကတော့-
• တက်တူထိုးပြီးရင် ဆပ်ပြာကြမ်းကြမ်း ပွတ်တိုက်တာမျိုး မလုပ်ရပါဘူး၊ ရေပန်းပြင်းပြင်းနဲ့ ရေချိုးတာတောင် မဖြစ်စေရဘူး။ အ၀တ်အစားကျပ်ကျပ် မ၀တ်ရဘူး။ ကုတ်တာ၊ ဖဲ့တာ မလုပ်ရပါဘူး။
• တက်တူထိုးထားတဲ့ နေရာကို လက်နဲ့မကိုင်ရဘူး၊ မပွတ်ရဘူး၊ အနာဖေးကို ဆွဲမခွာရဘူး။ အနာမကျက်ခင် ရေစိမ်၊ ရေစိုတာမျိုး မပြုလုပ်သင့်ပါဘူး။ ရေကူးတာ၊ ရေနွေးပူစိမ်တာ မပြုလုပ်ရပါဘူး။ အနည်းဆုံးနှစ်ပတ် နားရပါမယ်။
• နေဒဏ်ကြောင့် တက်တူအရောင်မှိန်သွားတတ်လို့ နေပူမခံရဘူး။
• တက်တူကို စည်းထားတဲ့ ပတ်တီးထူရင် ချွေး/ရေ စိုပြီး အနာမကျက်တတ်ပါဘူး။
• တက်တူထိုးပြီးချိန်မှာ သေချာဂရုမစိုက်ရင် အနာပိုးဝင်တဲ့ လက္ခဏာတွေ ဖြစ်တတ်ပါတယ်။ အဲဒါတွေက အရေပြားကနာလာမယ်၊ နီလာမယ်၊ ရောင်လာမယ်၊ ဖုတက်လာမယ်၊ ပြည်တည်မယ်၊ ကိုင်ကြည့်ရင် ပူလာမယ်၊ ဖျားလာမယ်။ ဒါကြောင့် ပိုးမ၀င်အောင် အတတ်နိုင်ဆုံး ကာကွယ်ရပါမယ်။
