Healthy Life Ad
Life Style

ကလေးမွေးပြီး ဗိုက်ပူနေသည့် မေမေတို့အတွက် ထိရောက်သည့် လေ့ကျင့်ခန်းများ

လရိပ်မေ

မိခင်ဖြစ်သွားပြီဆိုတဲ့အတွက် ဂုဏ်ယူပါတယ်။ ကလေးမွေးပြီးအခါ အပျိုတုန်းကလိုတော့ ဗိုက်ကချပ်ရပ်နေမှာ မဟုတ်ပါဘူး။ အဲဒီလို ဗိုက်ပူတဲ့အခါ စိတ်အနှောင့်အယှက်မဖြစ်လိုက်ပါနဲ့။ ဗိုက်ချပ်အောင်ပြုလုပ်နိုင်မယ့် ထိရောက်တဲ့ လေ့ကျင့်ခန်းတွေရှိပါတယ်။ သင်က သဘာဝအတိုင်း ကလေးမွေးထားရင် ဒီလေ့ကျင့်ခန်းတွေကို ကလေးမွေးပြီး တစ်လကြာချိန်မှာ ပြုလုပ်နိုင်ပါတယ်။ ဗိုက်ခွဲမွေးထားရင် ကလေးမွေးပြီး ရှစ်ပတ်ကြာမှ လေ့ကျင့်ခန်းပြုလုပ်သင့်ပါတယ်။


(၁) တင်ပါးမြှင့်လေ့ကျင့်ခန်း

ပက်လက်လှန်လျဲလျောင်းပြီး ဒူးကိုကွေးလိုက်ပါ။ တင်ပါးအောက်မှာ ခေါင်းအုံးပါးတစ်လုံးထားပြီး ပေါင်နှစ်ဖက်ကြားမှာ တစ်လုံးထားပါ။ လက်မောင်းတွေက ခန္ဓာကိုယ်ဘေးဘက်မှာ ဆန့်တန်းထားသင့်ပြီး ကြမ်းပြင်မှာ ခြေဖ၀ါးတွေကို အပြားလိုက်ချထားပေးရပါမယ်။ အသက်ပြင်းပြင်း ရှူသွင်းပြီး ဖြည်းဖြည်းချင်း ရှူထုတ်လိုက်ပါ။ အသက်ရှူသွင်းချိန်မှာ ၀မ်းဗိုက်ကိုဆွဲထားပါ။ ဒီအနေအထားနဲ့ အချိန်ငါးစက္ကန့်လောက်နေပြီး ပြန်ဖြေလျှော့ပါ။ ၁၀ ကြိမ်ပြုလုပ်ပါ။


(၂) တင်ပါးတံတားပုံစံလေ့ကျင့်ခန်း

တင်ပါးကို တံတားပုံစံနေရတဲ့လေ့ကျင့်ခန်းပါ။ ပက်လက်လှန်လှဲလျောင်းပြီး ခန္ဓာကိုယ်ကို အပေါ်မြှင့်ပေးပါ။ ဒူးကွေးချိန်မှာ အသက်ရှူသွင်းပြီး ခဏအကြာမှာ အသက်ရှူထုတ်ပါ။ စက္ကန့် ၂၀ကြာထိန်းထားပြီး မူလအနေအထားပြန်နေပါ။ ၁၀ ကြိမ်ပြန်လုပ်ဆောင်ပေးရပါမယ်။


(၃) ခြေဖနောင့်လျှောထုတ်သည့် လေ့ကျင့်ခန်း

ပက်လက်လှန်လှဲလျောင်းပြီး ၀မ်းဗိုက်ကို ရှပ်ထားပါ။ ပြီးရင် ညာခြေဖ၀ါးကို ကြမ်းပြင်ပေါ် အပြားလိုက်ချပြီး ဘယ်ခြေထောက်ကို လျှောထုတ်လိုက်ပါ။ တင်ပဆုံကွင်းကို ငြိမ်အောင်ထားပါ။ အသက်ရှူသွင်းပြီး ပြန်ရှူထုတ်ပါ။ ဒီနည်းက ၀မ်းဗိုက်ကြွက်သားတွေကို သန်မာစေပါတယ်။ ခြေထောက်ဘက်ပြောင်းလုပ်ပါ။ ခြေထောက်တစ်ဖက်ကို ၅-၁၀ ကြိမ်ပြုလုပ်ပေးရပါမယ်။


(၄) အပေါ်ပိုင်းမြှင့်သည့် လေ့ကျင့်ခန်း

ကြမ်းပြင်ပေါ် ပက်လက်လှန်လှဲလျောင်းပြီး လက်နှစ်ဖက်ကိုခန္ဓာကိုယ်ဘေးမှာ ဆန့်တန်းထားပါ။ ပြီးရင် ဒူးကွေးထောင်ထားပါ။ လက်အားပြုဆန့်ထုတ်ရင်း ဦးခေါင်းကို မြှင့်လိုက်ပါ။ ဒီအနေအထားမှာ အချိန် ၂စက္ကန့်နေပြီးအသက်ရှူသွင်းပါ။ မူလအနေအထားပြန်နေချိန်မှာ အသက်ရှူထုတ်လိုက်ပါ။


(၅) ၀မ်းဗိုက်ချပ်ရပ်သည့် လေကျင့်ခန်း

ကြမ်းပြင်ပေါ်မှာ ပက်လက်လှန် လှဲလျောင်းပြီး တင်ပါးနေရာကနေ ခြေထောက်နှစ်ချောင်းကို ဆန့်ထုတ်မြှင့်ထားပါ။ ခြေထောက်တွေကိုချဲပြီး ဘေးကိုချဲထုတ်လိုက်၊ ပြန်စုလိုက် လုပ်ပေးပါ။ ၁၀ကြိမ်ပြုလုပ်ပါ။


(၆) တဘက်သုံးသည့် လေ့ကျင့်ခန်း

ပက်လက်လှဲလျောင်းပြီး တဘက်နဲ့ ခြေသလုံးမှာဆွဲပတ်ထားပါ။ ပြီးရင် ပေါင်တွေကျုံ့ပြီး တဘက်ကို ခပ်တင်းတင်းဆွဲကာ ဦးခေါင်းမြှင့်ပေးပါ။ အသက်ရှူသွင်းပြီး ၀မ်းဗိုက်ရှပ်ချိန်မှာ အသက်ရှူထုတ်ပါ။ ပခုံးတွေကို ကြမ်းပြင်ကနေမြှင့်ထားရပါမယ်။ ၁၀-၁၂ ကြိမ်ပြုလုပ်ပေးပါ။


(၇) တဘက်သုံးပြီး ခြေထောက်တစ်ချောင်းကို ဆွဲဆန့်လေ့ကျင့်ခန်း

ဒီလေ့ကျင့်ခန်းကို ကလေးမွေးပြီး ၁၂-၁၄ပတ်ကြာမှ လုပ်သင့်တာဖြစ်ပါတယ်။ ကြမ်းပြင်ပေါ်မှာ ပက်လက်လှန်လှဲလျောင်းပြီး ခြေသလုံးအထက် ပေါင်ပေါ်မှာ တဘက်တင်ကာ ဦးခေါင်းကို မြှင့်ပေးပါ။ အသက်ရှူထုတ်ပြီး နောက်ခြေထောက်တစ်ဖက်ပြောင်းလုပ်ပါ။ ၁၀ ကြိမ်စီ ပြုလုပ်ရပါမယ်။


(၈) အိပ်-ထမတင်လေ့ကျင့်ခန်း

ဝမ်းဗိုက်ကြွက်သားတွေကိုပြန်ရှပ်အောင် လေ့ကျင့်တာဖြစ်ပါတယ်။ ပေါင်တွေကို တဘက်နဲ့စည်းထားရင်ပိုအဆင်ပြေပါတယ်။ ပြီးရင် အိပ်ထမတင် လေ့ကျင့်ခန်းပြုလုပ်ပေးပါ။


(၉) နံရံမှီပြီး ထိုင်သည့် လေ့ကျင့်ခန်း

နံရံမှာ မှီပြီး ရပ်ပါ။ ကျောနဲ့ လက်တွေကို နံရံမှာ ထိကပ်ထားပြီး ဒူးတွေကို ၉၀ ဒီဂရီအနေအထားနဲ့ ထိုင်ချလိုက်ပါ။ ၀မ်းဗိုက်တွေကို ချပ်ရပ်အောင် ရှပ်ထားပါ။ အကြိမ် ၂၀ ခန့် လေ့ကျင့်ပါ။


(၁၀) မိခင်နို့တိုက်သည့်အခါ

မိခင်နို့တိုက်တဲ့အခါ အနေအထားမှန်ရင် ၀ိတ်ကျမြန်စေပါတယ်။ နို့ဘူးမတိုက်ပါနဲ့။ မိခင်နို့ချိုတိုက်ပါ။ ဒါဆိုရင် အောက်ဆီတိုစင်ထွက်ရှိပြီး သားအိမ်အ၀ပ်မြန်ကာ ဗိုက်ချပ်စေပါတယ်။ရေများများသောက်ပါ။ ကလေးနို့တိုက်ချိန်မှာအစာမလျှော့ပါနဲ့။ အာဟာရမျှမျှတတစားပေးပါ။ ၁၂ပတ်ကြာတဲ့အခါ ၀မ်းဗိုက်ချပ်ရပ်လာပါလိမ့်မယ်။

(Healthy Life ဂျာနယ်မှ စီစဉ်တင်ဆက်သည့် အပတ်စဉ် သောကြာနေ့ထုတ် Healthy Life ဂျာနယ်၊ https://www.facebook.com/healthylifejournalmyanmar/ နှင့် www.healthylifejournalmyanmar.com တို့တွင် ဖော်ပြပါရှိသမျှ ကျန်းမာရေးနှင့် အလှအပဆိုင်ရာ သတင်းများ၊ သတင်းဆောင်းပါးများ၊ အမေးအဖြေများ၊ ဘာသာပြန်ဆောင်းပါးများကို လွတ်လပ်စွာ မျှဝေနိုင်ပါသည်။ သို့ရာတွင် မည်သည့် Facebook စာမျက်နှာ၊ Website များတွင်မဆိုပြန်လည်ကူးယူဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။)

Most Popular

Healthy Life Ad
To Top