၊ ကိုထက် ၊
အမျိုးသမီးတစ်ယောက်က လည်ချောင်းနာပြီး အာသီးရောင်ဝေဒနာခံစားနေရသဖြင့် သွားရောက်စစ်ဆေးခဲ့ရာ သိုင်းရွိုက်ကင်ဆာ ဖြစ်နေခဲ့ကြောင်းကို တခြားသူတွေပါ သတိထားနိုင်စေဖို့ အမျိုးသမီးကျန်းမာရေးအဖွဲ့ ဟောပြောပွဲတစ်ခုမှာ ပြောပြခဲ့ပါတယ်။
သူကိုယ်ဝန်ဆောင်နေချိန်ကတည်းက လည်ချောင်းနာပြီး အာသီးရောင်တဲ့ ဝေဒနာကိုခံစားနေတာဖြစ်ပါတယ်။ ဒီလိုဖြစ်နေတာ နှစ်ပတ်လောက်ကြာနေခဲ့ပါတယ်။ ကလေးမွေးပြီး နောက်ပိုင်းထိ မသက်သာဘဲ လည်ပင်းမှာ အကျိတ်လေးစမ်းမိတဲ့အတွက် ဆေးခန်းသွားပြခဲ့ပါတယ်။
“ သွားတုန်းက သာမန်ပဋိဇီဝပိုးသတ်ဆေးလေးသောက်ပြီး ပျောက်သွားမယ့်အတွေးနဲ့သွားခဲ့ပြီး တကယ်ဖြစ်နေတာက သေနိုင်လောက်တဲ့ ရောဂါဖြစ်နေတော့ အရမ်းကိုတုန်လှုပ်သွားတယ်၊ ငါသေရတော့မယ်၊ အခုမှမွေးထားတဲ့ ငါ့သားလေးကို ဘယ်လိုထားခဲ့ရပါ့မလဲလို့တွေးပြီး ၀မ်းနည်းခဲ့မိပါတယ်” လို့ သူက ပြောပြခဲ့ပါတယ်။
သူ့ကိုစစ်ဆေးပေးတဲ့ ဆရာဝန်ကလည်ပင်းအကျိတ်ရောင်နေတာကို မသင်္ကာဖြစ်ခဲ့ပြီး ဓာတ်မှန်ရိုက်စစ်ဆေးခိုင်းခဲ့ပါတယ်။ ဆရာဝန်ထင်ထားတဲ့အတိုင်းပဲ သူမဟာ သိုင်းရွိုက်ကင်ဆာ အဆင့် ၄ ဖြစ်နေခဲ့ပါပြီ။ ဘေ့စ်ဘော ဘောလုံးအရွယ်ရှိနေတဲ့ ကင်ဆာအကျိတ်ကြီးဟာ လည်ချောင်းနဲ့ အသံအိုးတွေကို ထိကပ်နေပါပြီ။ ကင်ဆာဆဲလ်တွေ ပြန့်ပွားလာရင် အသက်အန္တရာယ်ပိုရှိနိုင်တာကြောင့် ခွဲစိတ်မှုပြုလုပ်ပြီး ကင်ဆာအကျိတ်တွေကို ဖယ်ထုတ်ခဲ့ပါတယ်။ ဆယ်ရက်တိုင်တိုင်အထူးကြပ်မတ် စောင့်ရှောက်မှုပေးခဲ့ပြီး ကင်ဆာဆေးသွင်းကုထုံးကိုခံယူခဲ့ပါတယ်။ ကုသနေချိန်မှာ သူဟာ အသံမထွက်နိုင်၊ စကားမပြောနိုင်ခဲ့ဘူးလို့ သိရပါတယ်။
အချိန် ၃ နှစ်ခွဲကျော်ကြာမှသာ သူဟာ စိတ်ချရတဲ့အခြေအနေအကို ရရှိခဲ့တာဖြစ်ပြီး ကင်ဆာ အကျိတ်သေးသေးလေးတွေ ကျန်ရှိနေသေးတဲ့အတွက် ၆ လတစ်ကြိမ် စစ်ဆေးမှုတွေ အမြဲပြု လုပ်ပေးနေရပါသေးတယ်။ ဒီအကျိတ်တွေထပ်မကြီးလာသရွေ့ သူ့အခြေအနေဟာ စိတ်ချနေရတဲ့ အခြေအနေဖြစ်တယ်လို့ သူရော ဆရာဝန်ကရော ခံယူထားကြပါတယ်။
အနောက်နိုင်ငံတွေမှာ သိုင်းရွိုက်ကင်ဆာဟာ ဖြစ်နှုန်းအရမ်းမများဘဲ တစ်နှစ်လျှင်ပျမ်းမျှ လူ ၃၄၀၀ ဦးခန့်သာ တွေ့ရှိရတဲ့အတွက် စစ်ဆေးမှုနောက်ကျလေ့ရှိတတ်ပါတယ်။ သိုင်းရွိုက်ကင်ဆာလက္ခဏာတွေဖြစ်တဲ့ လည်ပင်းမှာ အလုံး အကျိတ်တွေစမ်းမိတာ၊ အသံကွဲအသံအက်နေတာ၊ လည်ချောင်းနာပြီး အစာမျိုရခက်ခဲတာ၊ မကြာခဏ ၀မ်းပျက်ဝမ်းလျှောတာတွေဖြစ်ပြီး ၃ ပတ်ကျော်ကြာ မပျောက်ကင်းရင် ဆေးရုံ၊ ဆေးခန်းတွေမှာပြသပြီး သိုင်းရွိုက်စစ်ဆေးကြည့်သင့်တယ်လို့ ထုတ်ပြန်ထားပါတယ်။
(Ref;Dailystar)
(Healthy Life ဂျာနယ်မှ စီစဉ်တင်ဆက်သည့် အပတ်စဉ် သောကြာနေ့ထုတ် Healthy Life ဂျာနယ်၊ https://www.facebook.com/healthylifejournalmyanmar/ နှင့် www.healthylifejournalmyanmar.com တို့တွင် ဖော်ပြပါရှိသမျှ ကျန်းမာရေးနှင့် အလှအပဆိုင်ရာ သတင်းများ၊ သတင်းဆောင်းပါးများ၊ အမေးအဖြေများ၊ ဘာသာပြန်ဆောင်းပါးများကို လွတ်လပ်စွာ မျှဝေနိုင်ပါသည်။ သို့ရာတွင် မည်သည့် Facebook စာမျက်နှာ၊ Website များတွင်မဆိုပြန်လည်ကူးယူဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။)
