ပါမောက္ခဒေါ်သန်းသန်းအေး (ဆီးချိုနှင့် အထွေထွေရောဂါ အထူးကုဆရာဝန်ကြီး)
– ယခင်တစ်ပတ်မှအဆက်
အိပ်ရေးမ၀ခြင်းနှင့် သွေးတိုးရောဂါ ဆက်စပ်ပုံ
အိပ်ရေးမ၀ရင် ပိုပြီး သွေးတိုးပါတယ်။ပိုပြီးလည်းစိတ်တိုတတ်ပါတယ်။ဒီစိတ်ဖိစီးမှု(Stress)တွေကြောင့် အိပ်ရေးပျက်တာကြာလာရင် သွေးတိုးဝင်လာနိုင်ပါတယ်။ အိပ်ရေးပျက်ရင် သွေးတိုးသာမက နှလုံးသွေးကြော ပိတ်ပြီး ရုတ်တရက် ဖောက်ပြန်တာ (Heart Attack) နဲ့ လေဖြတ်တာ (Stroke) တွေ အဖြစ်များစေပါတယ်။ အ၀လွန်ပြီး အိပ်နေစဉ် ဟောက်လိုက်၊ အသက်ရှူ ခေတ္တရပ်လိုက် ဖြစ်တဲ့ (Sleep Apnoea) ရောဂါနဲ့ နှလုံးကြီးရောဂါ ဆက်စပ်မှုပါ ရှိပါတယ်။ ဒီ Sleep Apnoea ရောဂါဟာ အထက်မှာ ဖော်ပြပြီးဖြစ်တဲ့ အိပ်ရေးမ၀တဲ့ နောက်ဆက်တွဲ ဆိုးကျိုးတွေအပြင် အိပ်ရာနိုးချိန်မှာ သွေးဖိအားက ယာယီဆောင့်တက်သွားတတ်ပြီး ရက်လတွေကြာလာတော့ အမြဲတမ်းသွေးတိုးနေတဲ့ သွေးတိုးရောဂါဖြစ်သွားစေပါတယ်။ သွေးတိုးရောဂါကြောင့် နှလုံးကြီးတာနဲ့
နှလုံးသွေးကြောရောဂါတွေ ထပ်ဆင့်ပွားများ လာစေပါတယ်။ ဒီအိပ်ချိန်မှာ ဟောက်ပြီး အသက်ရှူ ခေတ္တရပ်တဲ့ Sleep Apnoeaရောဂါကို ကုသပေးလိုက်ရင် သွေးတိုးရောဂါလည်း ပြန်ကောင်းသွားတတ်ပါတယ်။
အိပ်ရေးနှင့် စိတ်ပိုင်းဆိုင်ရာ ရောဂါ
တစ်ရက်တည်း အိပ်ရေးပျက်ရင်တောင် စိတ်တိုတယ်၊ စိတ်လှုပ်ရှားလွယ် တတ်ပါတယ်။ (Irritable and moody) ၀မ်းနည်းလွယ်တယ်၊ ဒေါသထွက် လွယ်တယ်။ ဒီလိုရက်တွေ ကြာလာရင် စိတ်ဓာတ်ကျတာ၊ စိုးရိမ်မှုလွန်ကဲတဲ့ ရောဂါ၊ မိမိကိုယ်မိမိ ယုံကြည်မှုနည်းတာတွေ ဖြစ်လာတတ်ပါတယ်။ စိတ်ဖိစီးမှုဒဏ် မခံနိုင်ဘဲ စိတ်ဓာတ်စွမ်းအားကုန်တာ (Mentally exhausted) ဖြစ်လာပါမယ်။ တစ်ညကို ၄ နာရီလောက်ပဲ အိပ်တဲ့သူတွေလို လေ့လာကြည့်တဲ့အခါ (Optimism and Sociability) အကောင်းမြင် စိတ်ဓာတ်နဲ့ ပေါင်းသင်းဆက်ဆံရေး ဆုပ်ယုတ်သွားတာ တွေ့ရပြီး အိပ်ရေးဝအောင် အိပ်စက်တဲ့နည်းနဲ့ ဒီချို့ယွင်းချက်တွေ ပြန်လည်ကောင်းမွန် ပျောက်ကွယ်သွားတာကို လေ့လာတွေ့ရှိရပါတယ်။
အိပ်ရေးတွေပျက်ရင် ပိုပင်ပန်းပြီး ပိုပိန်သွားလိမ့်မယ်လို့ ထင်နေတာကိုး။ တကယ်တော့ အိပ်ရေးမ၀ရင် ပိုဗိုက်ဆာပြီး ပိုဝလာတတ်တယ်။ အိပ်တဲ့အခါမှာရော . . .
အိပ်ခြင်းနှင့် ကိုယ်ခံအား
(Immune Function)
လူတွေဖျားရင်၊ နေမကောင်းဖြစ်ရင် အိပ်ရာထဲမှာ လဲလျောင်းအနားယူနေတတ်ပြီး အအိပ်များကြတာဟာ သဘာဝဖြစ်စဉ်တစ်ခုပဲ ဖြစ်ပါတယ်။ ရောဂါပိုးတွေကို တိုက်ခိုက်တဲ့ကိုယ်ခံအားစနစ်(ImmuneSystem)က စစ်ထုတ်လိုက်တဲ့ဓာတ်ပစ္စည်းတွေကလည်း အိပ်ချင်တာ၊ နုံးချည့်တာ(Fatigue)ကို ဖြစ်စေပါတယ်။
နေမကောင်းစဉ် အိပ်နေတာက ကောင်းကျိုးတွေကို ရရှိစေနိုင်ပါတယ်။ ပိုးဝင်ပြီး ဖျားနေသူတွေမှာ ပိုအိပ်ပျော်တဲ့ လူနာတွေက အိပ်မပျော်တဲ့ လူနာတွေနဲ့စာရင် ပိုးတွေကို မြန်မြန်တိုက်ထုတ်နိုင်ပြီး နေကောင်းတာ ပိုမြန်ပါတယ်။ တိရစ္ဆာန်တွေမှာ ပိုးဝင်အောင်လုပ်ပြီး လေ့လာကြည့်တော့လည်း နေမကောင်းစဉ် နှစ်ခြိုက်စွာ နားနေ၊ အိပ်နေတဲ့ တိရစ္ဆာန်ဟာ ရောဂါပိုးကို သဘာဝ ကိုယ်ခံအား (Immunity) နဲ့ ပိုမိုတိုက်ထုတ်နိုင်ပြီး အသက်ပိုရှင်တာ တွေ့ရပါတယ်။ အိပ်ရေးပျက်လို့ ပိုဝပြီး သွေးချိုများလာတဲ့ လူနာတစ်ဦးအကြောင်းကို မှတ်သားဖွယ်ရာအဖြစ် တင်ပြလိုက်ပါတယ်။
ဦးပွကြီးက အသက်၅၈နှစ်အရွယ် စီးပွားရေးကောင်းနေတဲ့ ဆီးချိုသွေးချိုလူနာတစ်ဦး ဖြစ်ပါတယ်။ မိသားစုလိုက်အ၀လွန်ပြီး တစ်မျိုးလုံးဆီးချိုသွေးချိုရောဂြါ ဖစ်နေကြတာပါ။
ဦးပွကြီးက BMI အသားကျစ်နှုန်း ၃၅ကျော်နေတော့ ဒီသွေးချိုနဲ့ သွေးတိုးတွေထိန်းရတာ တော်တော် ခက်နေတာပေါ့။ ကိုယ်အလေးချိန် လျော့ကျအောင် ၀ိတ်ချမယ့် အစီအစဉ်လုပ်ပေးမယ်။ ၀ိတ်ကျဖို့ ဘယ်လိုကြိုးစားခဲ့ဖူးသလဲ ပြောပါဦးလို့ ဦးပွကြီးကို မေးကြည့်လိုက်တော့-
ကျွန်တော်စာတွေ လေ့လာထားလို့ ၀ိတ်များတာရဲ့ ဆိုးကျိုးတွေကို သိပါတယ် ဆရာမ. . ၀ိတ်ကျအောင် အစားလျှော့စားတယ်။ လမ်းလည်းလျှောက်တယ်။ ၀ိတ်ကျတဲ့ ၀မ်းထဲ အဆီပါသွားတဲ့ ပိန်ဆေးတွေလည်း သောက်နေတာပဲ။ မပိန်တဲ့အပြင် ပိုဝလာလို့ စိတ်ပျက်ပါတယ် ဆရာမရယ်။ အခု အလုပ်ကများပြီး ညညမအိပ်ဘဲ အလုပ်တွေရှုပ်နေတာ။ အိပ်ရေးမ၀လို့ ပိုပိန်သွားရင်လည်း ကောင်းတာပဲလို့ ဦးပွကြီးက ဖြေပါတယ်။
ဦးပွကြီးက အိပ်ရေးတွေပျက်ရင် ပိုပင်ပန်းပြီး ပိုပိန်သွားလိမ့်မယ်လို့ ထင်နေတာကိုး။ တကယ်တော့ အိပ်ရေးမ၀ရင် ပိုဗိုက်ဆာပြီး ပိုဝလာတတ်တယ်။ အိပ်တဲ့အခါမှာရော အရမ်းဟောက်တတ်သလား . . အိမ်သားတွေ ဘာပြောကြလဲ
ကျွန်တော်အိပ်ရင် အရမ်းဟောက်တတ်လို့ ကျွန်တော့မိန်းမပါ အိပ်ရေးပျက်နေတယ် . .
ဒါဆိုအိပ်နေတုန်း အသက်ရှူရပ်သွားတဲ့ ရောဂါ(Sleep Apnea)များဖြစ်နေမလား။ ဒါကိုဟုတ်၊မဟုတ်တိုင်းတဲ့စနစ်နဲ့အသက်ရှူနှုန်း၊ နှလုံးခုန်နှုန်းနဲ့၊ သွေးထဲမှာ
အောက်ဆီဂျင်ပြည့်မှုရှိ၊ မရှိ တိုင်းကြည့်လိုက်ပါ။ ဒီရောဂါဟုတ်တယ်ဆိုရင် လေမှုတ်သွင်းပေးတဲ့ စက်တပ်ပြီး အိပ်ရင် သွေးချိုတွေလည်း ပြန်ပြီးထိန်းလို့ လွယ်သွားမှာပါ
အိပ်ချိန်မမှန်တာ၊ အိပ်ရေးမ၀တာကြောင့် ပိုဝလာမယ်၊ ဆီးချိုသွေးချိုတွေ ပိုများလာတတ်တာ အခုမှ ကြားဖူးတော့တယ်။ ဒါဆိုကျွန်တော်ကြိုးစားပြီး ဆရာမ ညွှန်ကြားတဲ့အတိုင်း အိပ်ရေးဝအောင် လုပ် ကြည့်လိုက်ပါမယ် . .
မှတ်ချက်
(၁) အချိန်ပြည့်မအိပ်တာနဲ့ နှစ်နှစ်ခြိုက်ခြိုက် ပြည့်ပြည့်၀၀ မအိပ်တာတွေက ကျန်းမာရေးအတွက် ဆိုးကျိုးတွေ အများကြီးဖြစ်လာနိုင် ပါတယ်။
(၂) ၀တဲ့သူတွေ အိပ်ရေးမ၀တာဖြစ်တတ်သလို အိပ်ရေးမ၀သူတွေဟာ ပိုပြီးဝလာတတ်ပါတယ်။
(၃) အိပ်ရေးမ၀တာက အထူးသဖြင့် ဆီးချို သွေးချိုရောဂါကို ပိုပြီးဖြစ်စေပါတယ်။ ဆီးချိုသွေးချို ရောဂါရှိပြီးသူတွေ အိပ်ရေးမ၀ရင်လည်း သွေးချို ထိန်းရတာ ပိုခက်ခဲတတ်ပါတယ်။
(၄) ဒါကြောင့် အိပ်ချိန်ကို အလေးထားပါ။ အိပ်ရေးဝအောင် ကြိုးစားပါ။ အိပ်ရေးမ၀တဲ့ ရောဂါ ဖြစ်နေရင်လည်း မိမိရဲ့ ဆရာဝန်နဲ့ တိုင်ပင်ပြီး ကုသမှုခံယူပါ။
