———၊ လရိပ်မေ ၊———
သင့်လက်သည်းကလည်း သင့်ကျန်းမာရေးအခြေအနေကို ပြသနေပါတယ်။
ဒေါင်လိုက်အစင်းများ ထင်ခြင်းက သံဓာတ်ချို့တဲ့မှုကြောင့်ဖြစ်နိုင်
ဒါက လလို့ခေါ်တဲ့ လက်သည်းအစိတ်အပိုင်းပါ။ သိုင်းရွိုက်ကျန်းမာရေး ကောင်းသူတွေမှာ လက်သည်းတိုင်း လအမှတ်အသားရှိပါတယ်။ လအမှတ်အသားနည်းလေလေ သိုင်းရွိုက်အားနည်းနိုင်ခြေ ပိုများလေလေပါ။
သိုင်းရွိုက်အားနည်းခြင်းက နုံးချည့်ညောင်းညာသော လက္ခဏာဖြစ်စေနိုင်
သိုင်းရွိုက်အားနည်းတာကြောင့် နုံးချည့်ညောင်းညာတာ၊ စိတ်ကယောက်ကယက်ဖြစ်တာ၊ စိတ်ဓာတ်ကျတာ၊ ဆံပင်ပါးတာ၊ ဆံပင်သားနဲ့ အသားအရေပြောင်းလဲတာတို့ ဖြစ်စေနိုင်ပါတယ်။ သိုင်းရွိုက်အားနည်းတာက ကိုယ်အလေးချိန်တက်တာနဲ့ ဆက်စပ်နေတတ်ပါတယ်။
လက်သည်းစွယ်ထွက်ခြင်းက ဗီတာမင်စီချို့တဲ့မှုကြောင့် ဖြစ်စေနိုင်
လက်သည်းနှစ်ဖက်စလုံးမှာ အစွယ်ထွက်တာက အစာမကြေခြင်း၊ ပရိုတင်း ဒါမှမဟုတ် ဗီတာမင်စီ ချို့တဲ့ခြင်းနဲ့ ဆက်စပ်နေပါတယ်။
အလျားလိုက်အစင်းကြောင်းများက ဗီတာမင်အေနဲ့ ဘီအုပ်စုချို့တဲ့မှုကြောင့် ဖြစ်စေနိုင်
လက်သည်းမှာ အလျားလိုက်အစင်းကြောင်းတွေရှိတာက ဗီတာမင်အေ၊ ဘီ အုပ်စုချို့တဲ့မှုကြောင့် ဖြစ်နိုင်သလို ကယ်လ်ဆီယမ်သတ္တုဓာတ် ချို့တဲ့တာလည်း ဖြစ်နိုင်ပါတယ်။
• လက်သည်းထူထဲတာက သွေးလှည့်ပတ်မှုမကောင်းတာနဲ့ ဆက်စပ်တတ်ပါတယ်။
• လက်သည်းကြွပ်ဆတ်တာက ဗီတာမင်အေနဲ့ ကယ်လ်ဆီယမ်ချို့တဲ့မှု၊ သွေးလှည့်ပတ်မှုမကောင်းတာ၊ သိုင်းရွိုက်/ကျောက်ကပ်ပြဿနာ ရှိတာတွေနဲ့ ဆက်စပ်တတ်ပါတယ်။
• လက်သည်းအားနည်းတာ၊ အဖပ်ကွာတာတို့က ဆီလီကွန်ဓာတ်ချို့တဲ့မှုနဲ့ ဆက်စပ်တတ်ပါတယ်။
