Healthy Life Ad
Real Life

သင်အကြိုက်ဆုံး သစ်သီးက ပြောပြနေသည့် သင့်ကိုယ်ရည်ကိုယ်သွေး

ကိုထက်

ပန်းသီး၊ ငှက်ပျောသီး၊ စပျစ်သီး၊ အုန်းသီး၊ ဩဇာသီး၊ သရက်သီး၊ လိမ္မော်သီး၊ သင်္ဘောသီးနဲ့ နာနတ်သီးထဲက မိတ်ဆွေအကြိုက်ဆုံး အသီးတစ်မျိုးကို ရွေးလိုက်ပါ။ ပြီးရင် သင်ကြိုက်တဲ့ အသီးက ပြောပြနေတဲ့ သင့်အကြောင်းကို ဖတ်ကြည့်လိုက်ပါနော်။

alignnone size-medium wp-image-54672
ပန်းသီးကို အကြိုက်ဆုံးဆိုလျှင်

ပန်းသီးဟာ သင့်ရဲ့ အကြိုက်ဆုံး အသီးဆိုရင် သင်ဟာအပေါင်းအသင်းတွေဆုံရင် စကားအများဆုံး ဒိုင်ခံပြောနေတတ်တဲ့သူ ဖြစ်နိုင်ပါတယ်။ ဆုံးဖြတ်ချက်တွေကို လျှင်လျှင်မြန်မြန် ချနိုင်ပြီး ရုတ်တရက်ဖြစ်လာတဲ့ ကိစ္စတွေကို ချက်ချင်းဆိုသလို ဖြေရှင်းနိုင်စွမ်း ရှိပါတယ်။ ခရီးသွားရတာကို နှစ်သက်ပြီး မရောက်ဖူးတဲ့ နေရာအသစ်တွေကို သွားချင်နေသူပါ။ သင်ဟာ ခေါင်းဆောင်ကောင်းတစ်ယောက်လည်း ဖြစ်နိုင်ပါတယ်။ အများအားဖြင့် ဆွဲဆောင်နိုင်စွမ်း ကောင်းသူတွေ ဖြစ်တတ်ပြီး သင့်လက်တွဲဖော်အပေါ်ကို လွှမ်းမိုးနိုင်မယ့်သူပဲ ဖြစ်ပါတယ်။

alignnone size-medium wp-image-54673
ငှက်ပျောသီးကို အကြိုက်ဆုံးဆိုလျှင်

အကြိုက်ဆုံးအသီးကို ငှက်ပျောသီးလို့ သင်ရွေးချယ်ထားတယ်ဆိုရင်တော့ သင်ဟာ နူးညံ့တဲ့ နှလုံးသားပိုင်ရှင်ဖြစ်ဖို့ များပါတယ်။ လူတွေအပေါ်မှာ ချစ်ခင်တတ်တယ်၊ နွေးထွေးစေတယ်၊ ကြင်နာတတ်ပြီး စိတ်မကောင်းစရာတွေ တွေ့နေရတာနဲ့ ကိုယ်ချင်းစာပြီး ဝမ်းနည်းပေးနေတတ်သူပါ။ အရေးပေါ်ကိစ္စတွေမှာတော့ ဆုံးဖြတ်ချက်ချဖို့အတွက် ကိုယ့်ကိုယ်ကိုယ် ယုံကြည်မှုနည်းနေတတ်ပါတယ်။ သင့်ဟာ သစ္စာတရားကို လက်ကိုင်ထားပြီး လက်တွဲဖော်နဲ့ ခိုင်မြဲတဲ့ ပေါင်းသင်းဆက်ဆံရေးကို တည်ဆောက်တတ်သူပါ။

alignnone size-medium wp-image-54674
စပျစ်သီးကို အကြိုက်ဆုံးဆိုလျှင်

စပျစ်သီးကို ကြိုက်တဲ့သူတွေဟာ နွေးထွေးတဲ့ ပေါင်းသင်းဆက်ဆံရေး ရှိပါတယ်။ ယဉ်ကျေးပြီး ဘဝအတွက် အကျိုးရှိမယ့် အရာတွေကို လေ့လာနေရတာကို ပျော်ရွှင်နေတတ်သူတွေပါ။ ခင်မင်ဖော်ရွေတတ်ပြီး မိမိအလုပ်ကို ချစ်ခင်သူတွေပါ။ အလှအပနဲ့ ပတ်သက်ပြီး အမြင်ရှိတတ်ပါတယ်။ သဘာဝအလှတွေကိုလည်း ခံစားတတ်သူတွေပါ။ စိတ်တို ဒေါသ ဖြစ်လွယ်သလောက် ချက်ချင်းဆိုသလိုပဲ စိတ်ပြန်ပြေသွားစမြဲပါ။

alignnone size-medium wp-image-54675
အုန်းသီးကို အကြိုက်ဆုံးဆိုလျှင်

အုန်းသီးကို အကြိုက်ဆုံးဆိုသူတွေကတော့ တွေးတောနိုင်စွမ်း ကောင်းသူတွေပါ။ သတိဝီရိယရှိပြီး အာရုံစူးစိုက်အားလည်း ကောင်းကြပါတယ်။ လူမှုဆက်ဆံရေးလည်း ကောင်းမွန်ပြီး ကိစ္စရပ်တွေကို နားလည်လွယ်သူတွေပါ။ တစ်ခါတလေတော့ တစ်ယူသန်တတ်ကြပြီး အနိုင်မခံ ပြန်ပြောတတ်သူတွေလည်း ဖြစ်တတ်ပါတယ်။ လက်တွဲဖော်ကို ဦးနှောက်နဲ့ စဉ်းစားရွေးချယ်တတ်ပြီး မိမိလိုပဲ ဆင်ချင်တွေးတောတတ်သူတွေကိုပဲ အလိုရှိပါတယ်။

alignnone size-medium wp-image-54676
ဩဇာသီးကို အကြိုက်ဆုံးဆိုလျှင်

ဩဇာသီးကို အကြိုက်ဆုံးသူတွေဟာ အိန္ဒြေရှိတတ်ကြပါတယ်။ စဉ်းစားတွေးခေါ်နိုင်စွမ်း ကောင်းကြပြီး စိတ်ထိခိုက်လွယ်ပါတယ်။ အရေးပါတဲ့ကိစ္စတွေ ပြောဆိုရတာကိုသာ ကြိုက်နှစ်သက်ပြီး တစ်ဖက်သားပြောတာတွေကိုလည်း အလေးထားသူတွေပါ။ ကြီးပွားလိုစိတ်ရှိကြပါတယ်။ အချစ်ရေးကိစ္စတွေမှာ ရှက်တတ်လေ့ရှိပြီး ရေရှည်အမြင်ရှိသူတွေကို နှစ်သက်သဘောကျပါတယ်။

alignnone size-medium wp-image-54678
သရက်သီးကို အကြိုက်ဆုံးဆိုလျှင်

သင်ဟာ သရက်သီးကို အကြိုက်ဆုံးသူ ဖြစ်တယ်ဆိုရင် သင်ဟာ ပြတ်သားတဲ့သူပါ။ အလွယ်တကူ စိတ်မယိုင်တတ်သူ၊ သူတပါးစကားကို အလွယ်တကူ နားမယောင်တတ်ပါဘူး။ ကိုယ်တိုင် ဦးဆောင်လုပ်ကိုင်ရတာကို ပိုပြီး ကျေနပ်အားရတတ်ပါတယ်။ စိန်ခေါ်မှုတွေကို ရင်ဆိုင်ချင်သူပါ။ လက်တွဲဖော်နဲ့ တွေ့တဲ့အချိန်မှာတော့ အလျှော့ပေးနေရတတ်ပါတယ်။ လက်တွဲဖော်အပေါ် အကူအညီ၊ အကာအကွယ် ဖြစ်စေနိုင်သူတွေပါ။

alignnone size-medium wp-image-54679
လိမ္မော်သီးကို အကြိုက်ဆုံးဆိုလျှင်

အကြိုက်ဆုံးအသီးအဖြစ် လိမ္မော်သီးကို ရွေးချယ်ထားသူတွေဟာ စိတ်ရှည်သည်းခံနိုင်စွမ်း ရှိသူတွေပါပဲ။ ပေါင်းသင်းဆက်ဆံရေးကောင်းပြီး လူတွေနဲ့ လိုက်ရောညီထွေ နေတတ်သူတွေပါ။ အလုပ်ကိုကြိုးစားပြီး အလှအပကိုလည်း စိတ်ဝင်စားတတ်သူတွေပါ။ ဘာလုပ်လုပ် ဖြည်းဖြည်းချင်းနဲ့ လုပ်တတ်ပေမယ့် အလုပ်ကို ဘယ်တော့မှ အကြွေးမချန်ဘဲ စနစ်တကျနဲ့ ပြီးစီးအောင် လုပ်သူတွေပါ။ အချစ်ရေးမှာတော့ သစ္စာရှိပြီး အခြေအတင်ငြင်းခုံစရာတွေ ပေါ်လာတိုင်း ရှောင်လွှဲတတ်သူပါ။

alignnone size-medium wp-image-54677
သင်္ဘောသီးကို အကြိုက်ဆုံးဆိုလျှင်

သင်္ဘောသီးကို အကြိုက်ဆုံးသူတွေဟာ အနုပညာပိုင်းမှာ အမြင်ရှိတတ်ကြပါတယ်။ အကြောက်အလန့်နည်းပြီး ဖြစ်လာသမျှကို ရင်ဆိုင်ဖို့ အသင့်ရှိနေတတ်ကြသူတွေပါ။ ဟာသဉာဏ်လဲ ရှိတတ်ကြပြီး မိတ်ဆွေသစ်တွေဖွဲ့ရတာကို သဘောကျပါတယ်။ ဘယ်လိုအခြေအနေဖြစ်ဖြစ် ဝါသနာပါတဲ့ အလုပ်ကိုသာ လုပ်ချင်နေသူတွေပါ။ လက်တွဲဖော်အပေါ် အမြင်ကောင်းနဲ့သာကြည့်ပြီး ပျော်ပျော်ရွှင်ရွှင်ပဲ နေတတ်သူတွေပါ။

alignnone size-medium wp-image-54680
နာနတ်သီးကို အကြိုက်ဆုံးဆိုလျှင်

သင်ဟာ နာနတ်သီးကို အကြိုက်ဆုံးဆိုရင် ကိုယ့်ကိုယ်ကိုယ် ယုံကြည်မှုအပြည့်ရှိပြီး အဖွဲ့အစည်းတွေမှာ ပါဝင်လှုပ်ရှားရတာကို ပျော်မွေ့သူပါ။ လူတိုင်းအပေါ် ရိုးသားတဲ့ စိတ်ရင်းခံရှိပြီး သတ္တိရှိသူတွေပါ။ အပြောင်းအလဲ မြန်ဆန်တတ်ပြီး အလုပ်တစ်ခုကို မကြိုက်တော့ပါက နောက်တစ်ခုကို အလွယ်တကူ ပြောင်းလုပ်တတ်သူတွေပါ။ တစ်ပါးသူရဲ့ကျေးဇူးကို သိတတ်သူပါ။ သင့်လက်တွဲဖော်အပေါ် ရိုးသားပွင့်လင်းပြီး အနိုင်ယူလိုစိတ်လည်း ရှိနေတတ်ပါတယ်။

Click to comment

Leave a Reply

Your email address will not be published. Required fields are marked *

Most Popular

Healthy Life Ad
To Top