စူး (ဆေးဝါးတက္ကသိုလ်)
တစ်ခါက ထက်မြက်တဲ့ ကောင်လေးတစ်ယောက်ရှိတယ်။ သူ့ကို သူငယ်ချင်းတစ်ယောက်က မေးတယ်။
“တကယ်လို့ မင်းလမ်းလျှောက်နေရင်းနဲ့. . ရှေ့တစ်လှမ်းလှမ်းရင် သေမယ်.. နောက်တစ်လှမ်းဆုတ်ရင် မျက်လုံးကန်းမယ်၊ မင်းက ရပ်နေလို့လည်း မရဘူး . . လျှောက်တော့ လျှောက်ရမယ်ဆိုပါစို့၊ မင်းဘယ်လမ်းကို ရွေးမလဲ” . . .
သူကဖြေတယ်။
“ဘယ်လမ်းကိုမှ မသွားဘူး၊ ဘေးတိုက်သွားမယ်.. ”တဲ့။
ဒီစာစုလေးကပေးချင်တဲ့ သင်ခန်းစာကတော့ ဘဝမှာ လမ်းဆုံးသွားတယ်ဆိုတာ မရှိပါဘူး။ အခက်အခဲနဲ့ကြုံတွေ့တဲ့အခါ တခြားအမြင်ရှုထောင့်ကနေ ပြောင်းကြည့်ဖို့ပဲ လိုပါတယ်။ ဘဝမှာ “ဆုပ်လည်းစူး၊ စားလည်းရူး”ဆိုသလို ရှေ့မတိုးသာ နောက်မဆုတ်သာ အခြေအနေတွေများ ကြုံခဲ့ရရင် ဖောက်ထွက်ဖို့ ကြိုးစားကြည့်ပါ။ တကယ်လို့ ဘေးကလမ်းဟာ လမ်းပဲဆိုတာမြင်တတ်ရင် အခက်အခဲဆိုတာ အောင်မြင်စွာကျော်လွှားနိုင်မှာပါ။
