အိန္ဒိယနိုင်ငံမြောက်ပိုင်း၊ ရွာငယ်လေးတစ်ရွာမှ အသက် ၂၂အရွယ် ကူလီဘိုင်ဟာ ကပ်ပါးအမြွှာ မှ ခြေနှစ်ချောင်း၊ လက်တစ်ချောင်းနဲ့ ယောကျာ်း အင်္ဂါတစ်ခု အပိုပါလာတဲ့ ကလေးငယ်တစ်ယောက် မွေးဖွားခဲ့ပါတယ်။ ရှေးရိုးဆန်အယူသည်းတဲ့ ဆွေမျိုးတွေက အလွန်ထိတ်လန့်သွားတာကြောင့်က လေးငယ်ကို မြစ်ထဲပစ်ချဖို့ စီစဉ်ခဲ့ကြပါတယ်။
ဒီသတင်းဟာ ပျံ့နှံ့သွားပြီး ကလေးအသက်ကယ် တင်နိုင်ဖို့ဆေးရုံပိုင်ရှင်ဘာရတ်ပယ်ဒန်ဒါက ကလေးနဲ့မိခင်ကိုဆေးရုံသို့ ခေါ်ဆောင်ကုသပေးခဲ့ပါတယ်။ဆရာဝန်တွေက ကလေးငယ်မှာ တွဲဆက်ပါလာတဲ့ ကောင်းစွာမဖွံ့ဖြိုးတဲ့ ကပ်ပါးအမြွှာရဲ့ကိုယ်အင်္ဂါအစိတ်အပိုင်းတွေကိုဖယ်ရှားခွဲစိတ်ပေးခဲ့ကြပါတယ်။
ခွဲစိတ်ပြီးနောက် ကလေးငယ်ဟာ အခြေအ နေသက်သာနေပြီး အနည်းဆုံးတစ်ပတ်ကြာဆေးရုံမှာ စောင့်ကြည့်ဦးမှာဖြစ်ကြောင်းသိရပါတယ်။ မိခင်ရဲ့ဝမ်းဗိုက်ထဲမှာ သေဆုံးသွားတဲ့မဖွံ့ဖြိုးတဲ့အမြွှာ ရဲ့တစ်ရှူးနဲ့ တွယ်ဆက်တဲ့အခြေအနေမှာ ကပ်ပါးအမြွှာမွေးဖွားတတ်ကြပါတယ်။ ကလေးတစ်သန်း မွေးတိုင်း တစ်ကြိမ်ခန့်သာဖြစ်ပွားတတ်ကြောင်း သိရှိရပါတယ်။
(Healthy Life ဂျာနယ်မှ စီစဉ်တင်ဆက်သည့် အပတ်စဉ် သောကြာနေ့ထုတ် Healthy Life ဂျာနယ်၊ https://www.facebook.com/healthylifejournalmyanmar/ နှင့် www.healthylifejournalmyanmar.com တို့တွင် ဖော်ပြပါရှိသမျှ ကျန်းမာရေးနှင့် အလှအပဆိုင်ရာ သတင်းများ၊ သတင်းဆောင်းပါးများ၊ အမေးအဖြေများ၊ ဘာသာပြန်ဆောင်းပါးများကို လွတ်လပ်စွာ မျှဝေနိုင်ပါသည်။ သို့ရာတွင် မည်သည့် Facebook စာမျက်နှာ၊ Website များတွင်မဆိုပြန်လည်ကူးယူဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။)
