၊ စူး ၊ (ဆေးဝါးတက္ကသိုလ်)
စိတ်မကြည်မလင်ဖြစ်ပြီး စိတ်ရှုပ်စိတ်ညစ်နေတဲ့အခါမျိုးမှာ စိတ်ဖိစီးမှုအဆင့်ကို လျော့ကျစေရုံသာမက စိတ်ခံစားမှုကို ကောင်းမွန်သွားစေဖို့ အစားအစာတချို့က ကူညီနိုင်ပါတယ်။
(၁) ထောပတ်သီး
ဘာကြောင့်လဲ – ထောပတ်သီးမှာပါတဲ့ ပိုတက်စီယမ်နဲ့ မိုနိုမပြည့်ဝဆီတွေက စိတ်ဖိစီးမှုကြောင့်ဖြစ်တဲ့ သွေးတိုးကိုကျစေနိုင်ပါတယ်။
ဘယ်လိုစားသင့်သလဲ – ထောပတ်သီးကို ပေါင်မုန့်ကြားညှပ်ပြီး ဒါမှမဟုတ် အရွက်သုပ်ထဲထည့်ပြီး စားပါ။
(၂) အရွက်များသော ဟင်းသီးဟင်းရွက်များ
ဘာကြောင့်လဲ – ဟင်းနုနယ်ရွက်နဲ့ ကိုက်လန်တွေမှာ ဗီတာမင်ဓာတ်အပြည့်ပါတဲ့အပြင် မဂ္ဂနီဆီယမ်လည်း ပါဝင်တာကြောင့် ပင်ပန်းနုံးချည့်မှုမဖြစ်အောင် ကာကွယ်နိုင်ပါတယ်။
ဘယ်လိုစားသင့်သလဲ – ညစာမှာ ဟင်းရွက်သုပ်ပါအောင် စားပါ။
(၃) ကာဗိုဟိုက်ဒရိတ်
ဘာကြောင့်လဲ – ကာဗိုဟိုက်ဒရိတ်စာတွေက ဦးနှောက်ထဲက စိတ်ခံစားမှုကောင်းမွန်စေတဲ့ ဆီရိုတိုနင်ထွက်ရှိစေပါတယ်။
ဘယ်လိုစားသင့်သလဲ – အိမ်က မထွက်ခင် ကောက်နှံတစ်ခုလုံးနဲ့ လုပ်ထားတဲ့ နံနက်စာကွေကာစားပါ။ အညိုရောင်ခေါက်ဆွဲကို ဟင်းသီးဟင်းရွက်တွေနဲ့ရောပြီး ချက်စားပါ။
(၄) လိမ္မော်သီး
ဘာကြောင့်လဲ – လိမ္မော်သီးမှာ ဗီတာမင်စီ အများအပြားပါဝင်တာကြောင့် သွေးတိုးကိုကျစေပြီး စိတ်ဖိစီးမှုဖြစ်စေတဲ့ ကော်တီစောအဆင့်ကို တည်ငြိမ်စေပါတယ်။
ဘယ်လိုစားသင့်သလဲ – လိမ္မော်သီးကို အထူးသဖြင့် စိတ်ဖိစီးမှုများတဲ့နေ့တွေမှာ စားပေးရင် မွှေးပျံ့တဲ့ရနံ့နဲ့ အရသာကြောင့် စိတ်ရွှင်လန်းစေပါတယ်။
(၅) လက်ဖက်ရည်ပူပူ
ဘာကြောင့်လဲ – လက်ဖက်ရည်ပူပူသောက်တာကြောင့် ကိုယ်ထဲမှာ စိတ်ဖိစီးမှုများစေတဲ့ ကော်တီစောအဆင့်ကို လျော့ကျစေပြီး စိတ်တည်ငြိမ်အေးချမ်းစေပါတယ်။ လက်ဖက်ရည်ပူပူ တစ်ခွက်သောက်တာက စိတ်ပူပင်သောက လျော့ကျစေပါတယ်။
ဘယ်လိုသောက်သင့်သလဲ – လက်ဖက်စိမ်းလက်ဖက်ရည်နဲ့ လက်ဖက်ရည်ကြမ်းလို ဆေးဖက်ဝင်လက်ဖက်ရည်ထဲ ပျားရည်အနည်း ငယ်ထည့်သောက်ပါ။
(၆) ငါး
ဘာကြောင့်လဲ – ဆယ်လ်မွန်ငါးလို ငါးမှာ အိုမီဂါ ၃ ဖက်တီးအက်စစ်များများ ပါဝင်တာကြောင့် စိတ်ဖိစီးမှုဟော်မုန်း မြင့်တက်မှုမရှိအောင် ကာကွယ်နိုင်ပါတယ်။
ဘယ်လိုစားသင့်သလဲ – ညစာမှာ ငါးဟင်းပါအောင်ထည့်စားပါ။
(Healthy Life ဂျာနယ်မှ စီစဉ်တင်ဆက်သည့် အပတ်စဉ် သောကြာနေ့ထုတ် Healthy Life ဂျာနယ်၊ https://www.facebook.com/healthylifejournalmyanmar/ နှင့် www.healthylifejournalmyanmar.com တို့တွင် ဖော်ပြပါရှိသမျှ ကျန်းမာရေးနှင့် အလှအပဆိုင်ရာ သတင်းများ၊ သတင်းဆောင်းပါးများ၊ အမေးအဖြေများ၊ ဘာသာပြန်ဆောင်းပါးများကို လွတ်လပ်စွာ မျှဝေနိုင်ပါသည်။ သို့ရာတွင် မည်သည့် Facebook စာမျက်နှာ၊ Website များတွင်မဆိုပြန်လည်ကူးယူဖော်ပြခြင်းကို ခွင့်မပြုပါကြောင်း အသိပေး ကြေညာအပ်ပါသည်။)