မေး. သွားနုတ်တာ၊ သွားအကြောထုတ်တာ၊ သွားကျောက်ခြစ်တာတွေက အခန့်မသင့်ရင် နောက်ဆက်တွဲ ဆိုးကျိုးတွေ ဖြစ်လာတတ်ပါသလား။
ဦးသန့်ဇင်၊ ကျောက်တံတား။
ပါမောက္ခဦးကိုကိုမောင် မေးရိုးနှင့် ခံတွင်းခွဲစိတ်ကု ဆရာဝန်ကြီးမှ ဖြေကြားပေးပါသည်။
ဖြေ. သွားနုတ်တယ်၊ သွားအကြောထုတ်တယ်၊ သွားကျောက်ခြစ်တယ် . . ဒါတွေလုပ်တဲ့အခါ ကုသမှုကို အစအဆုံး ပြီးစီးအောင် လုပ်နိုင်တယ်ဆိုရင် ဘာမှဖြစ်စရာ အကြောင်းမရှိပါဘူး၊ ကုသပေးတဲ့ သွားဆရာဝန်ကလည်း ကျွမ်းကျင်တယ်၊ တော်တယ်ဆိုရင် များသောအားဖြင့် ဘာမှပြဿနာမရှိပါဘူး။ ဒါပေမဲ့ ကုသမှုတွေကို ပြီးစီးအောင်မလုပ်ဘူး၊ ကုသမှုပေးတဲ့ ဆရာဝန်ကလည်း မတော်ဘူးဆိုရင် နောက်ဆက်တွဲ ပြဿနာလေးတွေ၊ နောက်ဆက်တွဲ ဆိုးကျိုးလေးတွေ ရှိတတ်ပါတယ်။
